𝗘𝗗𝗚𝗘 𝗛𝗼𝘂𝘀𝗲

𝗘𝗗𝗚𝗘 𝗛𝗼𝘂𝘀𝗲 მდებარეობს თბილისის შემოგარენში. უძველესი დროიდან, აღნიშნული ტერიტორიის გამოყენების მთავრი ფუნქცია სააგარაკე იყო. არსებული სიტუაციის მიხედვით, სოფელი იყოფა სამ ნაწილად. ცენტრალური ნაწილი, რომელიც მოიცავს მოდერნისტული პერიოდის მრავალბინიან სახლებს, ცენტრალური ნაწილის ჩრდილოეთით და სამხრეთით ფერდები კი განაშენიანებულია ინდივიდუალური ერთ ბინიანი საცხოვრებელი სახლებით. ნაკვეთი წარმოადგენს ერთგვარ საზღვარს განაშენიანებულ ტერიტორიასა და თვალწარმტაც მწვანე მდელოს შორის.

ნაკვეთის სამხრეთ ნაწილიდან გაშლილი პეიზაჟი, აღმოჩნდა ერთგვარი ბიძგის მომცემი მთავრი ეზოს სამხრეთ ნაწილში გაკეთების, რომლის სრული ზედაპირი მცირე საკავშირო ბილიკის გარდა ბალახით არის დაფარული, სწორედ ამ მხარეს არის მოწყობილი გადახურული საზაფხულო სივრცე, რომელიც დენადი ფასადის საშუალებით პირდაპირ უკავშირდება შენობის აქტიურ ზონას შემდეგ კი ყველა სივრცეს. ჩრდილოეთ მხარეს მოწყობილია უკანა ეზო, ამ სივრცესთან კავშირი როგორც ტერიტორიის თავისუფალი ნაწილებიდან ასევე, შენობის აქტიური და სავარჯიშო ზონიდან არის შესაძლებელი, ეს უკანასკნელი კი მეტ სიცოცხლეს აძლევს ამ სივრცეს.

 

შენობის, სწორად შერჩეული როგორც მდებარეობიდან ასევე სივრცეების გადანაწილებიდან გამომდინარე, საცხოვრებელ გარემოში იდეალურად მოძრაობს ბუნებრივი განათება და ჰაერის მასები. ნაგებობის გადახურვა შესრულებულია ანტრაციდის ფერი სენდვიჩ პანელებით, რაც გეომეტრიის მთლიანობას ასრულებს. 

დამკვეთის სურვილი იყო შეგვექმნა ჯანსაღი საცხოვრებელი გარემო ოთხ წევრიან ოჯახის და მათი სტუმრებისთვის. მნიშვნელოვანი იყო შენობაში აქტიური და პასიური საცხოვრებელი სივრცეების ერთმანეთისგან გამიჯვნა, რაც საბოლოოდ ორ მოცულობით განსხვავებულ ნაწილად ფორმირდა.

შენობის ორ სართულიან ნაწილი პირველი გვეგებება, ნაკვეთზე აღმოსავლეთ მხარეს მდებარე მთავრი შემოსასვლელის სარგებლობისას, სადაც განთავსებულია: მთავრი საკავშირო სივრცე, სანიტარული კვანძები, ტექნიკური ოთახი, სამუშაო ოთახი, ტრენაჟორების ოთახი და საძინებელი ოთახები. 

ერთ სართულიან ნაწილში, რომლის ჭერიც არასტანდარტული სიმაღლით გამოირჩევა, განთავსებულია: სამზარეულოს, ნადიმის, რბილი ავეჯის და ბუხრის ზონები, ყოველგვარი საზღვრების გარეშე.

 

 

ნაგებობაზე გამოყენებული მოსაპირკეთებელი თუ ინტერიერის მასალების პალიტრა, ისევე როგორც ამ საცხოვრებელი სახლის სრულად არქიტექტურული პროექტი, წარმოადგენს ერთგვარ ბრძოლას მასიურობასა და სიმსუბუქეს შორის. ფასადზე, უხეშად დამუშავებულ და არასიმეტრიულად დალაგებულ ლოკალურ ქვასთან ერთად, გამოყნებულია მეტალის მასიური ფირფიტები ბუნებრივი სახით, დამუშავების გარეშე, და მუხის ხის მასიური მასალა. სივრცეების ერთიანობას კი უზრულველყობს ალუმინის „სლაიდი“ ვიტრაჟები.