
Shekvetili Dwelling
-
ფუნქცია
ინდივიდუალური საცხორებელი სახლი
ადგილმდებარეობა
შეკვეთილი
მიწის ფართობი
2246 კვ.მ
ნაგებობის ფართობი
430.7 კვ.მ
წელი
2024
გუნდი
კახა რომანაძე, მედეა მაზანიშვილი
-
საპროექტო ტერიტორიის სიდიდე, რელიეფურობა და ხე-მცენარეების განთავსება ნაკვეთზე, გახდა მთავარი განმაპირობებლი შენობის ფორმისა და მდებარეობის. ნაკვეთის რელიეფური თავისებურებიდან გამომდინარე, ტერიტორიაზე საავტომობილო და საქვეითო კავშირი დაგეგმილია დასავლეთ მხრიდან. საპარკინგე სივრცის გავლის შემდეგ კასკადური კიბის საშუალებით აღმოჩნდებით ნაკვეთის ცენტრალურ ნაწილში, სადაც ზედაპირის უსწორმასწორობა მინიმალურამდე არის დაყვანილი.
-
პროექტირების დროს მთავარ სირთულეს წარმოადგენდა შენობაში აქტიური და პასიური საცხოვრებელი სივრცეების ერთმანეთისგან გამიჯვნა. შენობის სამხრეთ ნაწილში განთავსდა სამზარეულოს, ნადიმის და რბილი ავეჯის ზონები, რომლის დასავლეთით გაგრძელებას დენადი ფასადის მეშვეობით წარმოადგენს საკმაოდ დიდი ზომის ტერასა, საჩრდილობელი და ბარბექიუ სივრცე. ასევე ღია აუზი, რომელმაც თითქოს ნაძვებისგან თავისუფალი სივრცე იპოვა და მათ სიმაღლეს სიგრძით უპასუხა. პასიურ საცხოვრებელ ნაწილში გამოყენებულია მეტად სახასიათო მეტალის ფირფიტები და გამომწვარი ხის მასალა. ალუმინის ვიტრაჟების წინ კი მოეწყობა დარაბები. საერთო სივრცის ფასადის ფონურობამ, რომელიც მიღწეულია ნაგებობის ამ ნაწილის უმაღლესი ხარისხის შელესვა-შეღებვით ბეტონის ფაქტურით, თითქოს ადგილი სრულად დაუთმო აქ მცხოვრებ თუ სტუმრად მოსულ ადამიანებს და მათ იმპროვიზაციის უნარს.
-
ზღვისპირა ნოტიო სუბტროპიკული ჰავა, ზღვის წყალი, მაგნიტური ქვიშა და ბიჭვინთის ფიჭვის კორომები, ერთობლივად ქმნიან იდეალურ გარემოს როგორც დასასვენებლად, ასევე საცხოვრებლად. ერთ სართულიანი სივრცე განთავსებულია ნაკვეთის აღმოსავლეთ ნაწილში, თითქმის მთელ სიგრძეზე, რელიეფურად ყველაზე მაღალ ნიშნულზე. ნაგებობა ჩრდილოეთ ნაწილი გრძელდება ზამთრის ბაღით, რომელიც წინა და უკანა ეზოების ერთ-ერთ მთავარი მაკავშირებელის როლს ასრულებს. საძინებელი ოთახების ნაწილის სიმყუდროვეს უზრუნველყოფს ხე ნარგავების დიდ ჯგუფთან სიახლოვე. უკანა ეზოში იგეგმება ფრენბურთის მოედნის გაკეთება და ეზოს ლანდშაფტური კეთილომწობა, ისე როგორც მთელს ტერიტორიაზე.