ფუნქცია
მარანი / კულტურის სივრცე

ადგილმდებარეობა
იტალია, ტოსკანა

მიწის ფართობი

1177კვ.მ

ნაგებობის ფართობი

1692 კვ.მ

წელი

2024

გუნდი

მედეა მაზანიშვილი, კახა რომანაძე, ალექსანდრე მოსეშვილი, მარიამ ჯმუხაძე, თიკო ლაღაძე

ნაკვეთის რელიეფურმა და ექსპრესიულმა ხასიათმა განსაზღვრა შენობის ფორმა, მასალები და ფერთა პალიტრა. პროექტის მთავარი მიზანი იყო შეგვექმნა არქიტექტურული მოცულობა, რომელიც ერთდროულად იქნებოდა გამორჩეული და ბუნებრივ გარემოში ინტეგრირებული. ღვინისფერი ბეტონი, მეტალის ბუნებრივი ფაქტურა და მიწის ტონები აძლიერებს კავშირს მეღვინეობასთან და ადგილის იდენტობასთან.

შენობის კონცეფცია დაფუძნებულია წრიულ ფორმაზე, რომელიც ყურძნის მარცვლის სიმბოლოს წარმოადგენს. პროექტი აერთიანებს მეღვინეობას, ხელოვნებასა და კულტურულ სივრცეებს — ამფითეატრს, საგამოფენო სივრცეებს, სადეგუსტაციო დარბაზს, მარანსა და რესტორანს. ფუნქციური ზონები სხვადასხვა ნიშნულზეა განთავსებული და ერთმანეთთან დაკავშირებულია უწყვეტი მოძრაობის პრინციპით, რაც ვიზიტორებისთვის მრავალფეროვან სივრცით გამოცდილებას ქმნის.